በአካል ተገናኝተን ስናመልክ ልናደርጋቸው የሚገቡ ጥንቃቴዎች

​

​

ለጥንቃቴ ሲባል የሚሩን ስብሰባዎች ለጊዜው በተወሰን ቁጥር በቻ ይሆናል

1.   ወደ ቤተክርስቲያን ሲመጣ

• ከቤት ከመውጣታቸው በፊት ምዕመናን ሳልና ትኩሳት፣ የራስ ምታት፣ የጉሮሮ መከርከር፣ የማሽተት ወይም የመቅመስ ስሜት ማጣት፣ የመተንፈስ ችግር፣ የደረት ሕመም ስሜት ካላቸው በቤታቸው ይቆያሉ።

• መስፈርቶችን አሟልተው ወደ ጉባኤ ለመምጣት የሚፈልጉ በየሳምንቱ በኢንተርኔት ላይ መመዝገብ አለባቸው። በኢንተርኔት ለመመዝገብ እገዛ የሚፈልጉ ቤተክርስቲያን በ 214-703-0100 በመደወል በተፈለገው መንገድ ለመመዝገብ ይችላሉ።

• ስልክ በመደወል መመዝገብ ለምትፈልጉ የምዝገባ ቀናት ከማክሰኞ እስከ አርብ ከ9፡00 AM – 5፡00 PM እንዲሁም ቅዳሜ ከ9፡00 AM – 12፡ 00 PM ብቻ ይሆናል።

• ለደህንነታቸው ሲባል ዕድሜያቸው ከ 65 ዓመት በላይ የሆነ፣ ማናቸውም ዓይነት የጤንነት ችግር ያለባቸው፣ ወጣቶች፣ ህጻናት ልጆች አገልግሎቱን በኢንተርኔት አማካኝነት ከቤታቸው ይከታተላሉ፡፡

• በምዝገባ ቅድሚያ አግኝተው ከተፈቀደላቸው ውጭ ሌሎች ምእመናን በሙሉ ከቤት ሆነው ይከታተላሉ።

• አስተናጋጆችም የተመዝጋቢዎችን ስም ዝርዝር በመያዝ ካጣሩ በኋላ ወደ አምልኮ አዳራሽ ያስገባሉ።

• ከቤት ከመውጣታቸው በፊት እጆቻቸውን በሳሙና መታጠብ እና ማስክ፣ Sanitizer መያዝን ማረጋገጥ

• ቤተክርስትያን ሲደረስ የአስተናጋጆችን መመሪያ በመከተል አንድ ክፍት ቦታ በመዝለል ፓርክ ማድረግ።

• የፊት ማስክዎን እስከ መጨረሻው አያውልቁ፡፡ ከሌሎች በቂ ርቀት እንጠበቅ፡፡ የአስተናጋጆችን መመሪያ እንከተል፡፡ ወደ አዳራሹ በተመደበው መግቢያ በኩል ብቻ ይግቡ፡፡

2. ወደ አምልኮ አዳራሽ ሲገባ የሚደረጉ ጥንቃቄዎች

• መግቢያ በር ላይ የታዳሚዎችን ሙቀት (temperature) በርቀት ይለካሉ። የሙቀት መጠናቸው ከ100°F በላይ ሆኖ የተገኙ ምእመናን ወደቤታቸው እንዲመለሱ ይጠየቃሉ።

• በቤተክርስቲያን በተዘጋጀው Hand Sanitizer ተጠቅመው ራሳቸውን ማጽዳት ይጠበቅብናል።

• ርቀት በመጠበቅ በአስተናጋጆች መሪነት ምልክት በተደረገባቸው መቀመጫዎች ላይ ብቻ መቀመጥ።

• ቤተሰብ ጎን-ለጎን ለመቀመጥ ተመዝግበው ቢመጡ አንድ አከባቢ ላይ ሊቀመጡ ይችላሉ።

• በአዳራሽ ውስጥ ሳል ወይም ማስነጠስ ቢያጋጥም ማስኩን ሳያወልቁ ፊትን በንጹህ ወረቀት ወይም በክንድ በመሸፈን ማስነጠስ። የተጠቀምንባቸውንም ወረቀቶች (tissue ) ይዞ መውጣትና መጣል።

• አባላት በተቻለ መጠን አስራቶቻቸውንና ሌሎች ስጦታቸውን online እንዲሰጡ ይበረታታሉ፡፡

• ሆኖም ቼክ በመጻፍ ቤተክርስቲያን ተገኝተው ለሚሰጡ ስጦታቸውን ለዚሁ ተብሎ በተዘጋጀ የመሰብሰቢያ እቃዎችን ውስጥ ያኖራሉ።

• በመጸዳጃ ቤት ርቀትን ጠብቆ በአንድ ጊዜ የተወሰነ ሰው ብቻ እንዲገለገል አድርጎ መስተናገድ። 3. እርስ በርስ መተያየትና ሰላምታ መለዋወጥ

• ከሌሎች አማኞች ጋር 6 ft. በመጠበቅና ማስክ በማድረግ እጅን በማውለብለብ ወይም ጎንበስ በማለት ብቻ ሠላምታ ይለዋወጣሉ ። መጠጋጋትና በእጅ መጨባበጥ ፈጽሞ አይፈቀድም።

• የቤተክርስትያን አገልግሎት ሲያልቅ መጨናነቅን ለመቀነስ የ6 ft ርቀትን በጠበቀ ሁኔታ አስተናጋጆች እየመሩ ለመውጫ በተዘጋጁ በሮች ብቻ ምእመናን ይወጣሉ።